Парламент мәжілісі депутаттары әріптестері Мұхтар Тінікеевтің өкілетін мерзімінен бұрын тоқтатуды қолдап дауыс берді. Бұған дейін мас адам ұқсаған Тінікеевтің Қарағанды қалалық мәслихатының бұрынғы депутат Николай Полевойды басынан ұрып, балағаттап жатқан сәті бейнеленген видео әлеуметтік желіде тараған болатын. Тінікеев биыл көктемде парламентке президенттік «Нұр Отан» партиясынан сайланған еді.