Аптаның әр сәрсенбісінде жарық көретін оппозициялық "Трибуна. Саяси қалам" газеті шықпай қалды. Басылым соңғы рет ақпанның 16-сында шыққан. Бұған дейін газеттің бас редакторы міндетін атқарушы Жанболат Мамайды "БТА Банктен" ұрланған ақшаның бір бөлігінің ізін газет арқылы қаржылық операциялар жасап жасырған" деген күдікпен екі айға қамаған. Журналист пен әріптестері айыпты жоққа шығарып, бұл істің саяси астары бар деп санайды. Қазақстан заңында үш ай бойы шықпаған газетті лицензиясынан сот арқылы айыру қарастырылған.