Украина президенті Петр Порошенко Қырым татарлары Межлисі төрағасының орынбасарлары Ильми Умеров пен Ахтем Чийгозды мемлекеттік награда - "Еңбегі үшін" орденімен марапаттады. "Бұл құжаты бар азаматқа елі үшін үлкен жауапкершілік пен міндет те жүктеледі" деді президент әкімшілігіндегі кездесуде Ахтем Чийгоз Украина азаматының паспортын көрсетіп. Ресей билігі аннексиялап алған Қырым түбегінде түрмеде отырған Умеров пен Чийгоз 25 қазанда ұшақпен Түркияға жеткізіліп, жұма күні Киевке барған. (Украина президенті әкімшілігінің видеосы.)