БҰҰ Қауіпсіздік Кеңесінің отырысында Ресей өкілі Василий Небензя Ұлыбританияда бұрынғы ресейлік барлау қызметінің офицері Сергей Скрипальдің улануына Мәскеудің қатысы жоқ деп мәлімдеді. Мамандардың болжамынша, Скрипаль мен қызын жүйкені жансыздандыратын улы затпен улаған. АҚШ-та тұратын бұрынғы совет химигі Вил Мирзаянов СССР кезінде "Өзбекстанның Нөкіс қаласында сынақтан өткізілген" "Новичок" атты улы газды әзірлеуге қатысқанын айтады. Оның сөзінше, 1989 жылы "Новичок" газын Совет армиясына химиялық қару ретінде қабылдау туралы шешім шыққан. Ғалым газға халықаралық тыйым салуға шақырады. Ресей өкілдері "Новичок" газы туралы естімегендерін айтады. "Осы шақ" бағдарламасының видеосы - орыс тілінде.