"Азаттық жолында" подкасты. Жазушы: "Жаңаөзен - жабық тақырып емес"
2011 жылы 16 желтоқсан күні Жаңаөзен қаласында полиция наразылық білдіріп келгендерге оқ атты. Ресми ақпарат бойынша 17 адам қаза тапты, жүзден аса азамат жараланды. 37 адам сотталды. Олардың кейбірі түрмеден шыққан соң да денсаулығы оңалмай, қайтыс болды. "Атуға бұйрық берген кім" деген сауалға әлі нақты жауап жоқ. Жазушы Ырысбек Дәбей "Қоңыз" романында осы оқиғаға қатысқан адам өмірі арқылы Жаңаөзендегі мұнайшылар тағдырын сипаттап, олардың наразылыққа шығу себебіне үңілген. 7 айға созылған қарсылықтың астарын, тәуелсіздік күні алаңда болған ахуалды баяндайды. "Азаттық жолында" подкастынан бүгін роман авторының сұхбатын тыңдай аласыздар.