Төтенше жағдай жарияланып, қозғалысқа шектеу қойылса да, Қазақстан қалаларында жәрдемақы алу үшін пошта мен банк алдында кезекке тұратындар азаймады. Олардың кейбірі бірнеше күннен бері шот аша алмай жүргенін, бірі жәрдемақыға құжат тапсыра алмай жатқанын айтады. Әлеуметтанушы Толғанай Үмбетәлиева «билік жәрдемақы беріледі деуден бұрын, оның қалай үлестірілетінін ойластырып алуы керек еді» дейді.