Былтыр билікке қарсы шеруге шығып, кейін әскерге шақыртылған белсенді Әлімжан Ізбасаров Тараз қаласындағы психоневрологиялық диспансерде жатыр. Ол «өзіне қол жұмсамақ» болды деген дерек бар. Туыстары белсендінің жағдайына алаңдап, әскери бөлімде «қысым жасалғанын» мәлімдеді. Дәрігерлер мен әскери бөлім өкілдері Ізбасаровтың ерікті түрде ем қабылдап жатқанын айтты.