Орталық сайлау комиссиясы 4 желтоқсанда бақылаушылар жұмысына бірнеше шектеуі бар жаңа қаулы қабылдаған. Бүгін сол қаулыны алып тастауды талап еткен "Тәуелсіз бақылаушылар" ұйымының арызын Жоғарғы сот қабылдамады. Шағым түсіретін мерзім өтіп кетті дегенге сілтеді. Ұйым жетекшісі Арайлым Назарова Азаттыққа сайлау қарсаңында бақылаушыларға жасалып жатқан кедергілер туралы айтып берді.