Жыл басынан бері коронавирус жұқтырған бірде бір жаңа жағдай тіркелмеді деп келген Тәжікстан билігі өлкеде COVID-19 инфекциясы бар екенін растады.
21 маусымда коронавирустың жайылуын алдын алу бойынша республикалық штаб өлкенің медициналық мекемелерінде індетті жұқтырған жаңа жағдайлар анықталғанын мәлімдеді.
12 маусымда Озоди радиосы дәрігерлердің және науқастардың туыстарының сөздеріне сүйеніп, өлкеде коронавирус жұқтырғандар тіркеліп жатқанын хабарлаған.
"Азия-Плюс" ақпарат агенттігі де "Диамед" жеке зертханасына сілтеме жасап, 8 маусымда Душанбеде кемінде 100 адамнан коронавирус анықталғанын жазған.
Бірақ Тәжікстанның денсаулық сақтау министрлігі бұл мәліметтерді негізсіз деп атап, елде коронавирус жұқтырғандар жоқ деген. Оған дейін мекеменің баспасөз хатшысы бірнеше адамнан COVID-19 белгілері байқалғанын растап, бірақ оларды тексергенде таза болғанын айтқан.
Ресми мәлімет бойынша, Тәжікстанда пандемия басталғаннан бері 13 308 адамға коронавирус жұғып, 90 науқас қаза болған. Бірақ тәуелсіз бұлақтар бұл көрсеткіштің әлдеқайда көп екенін айтады.
ПІКІРЛЕР