Accessibility links

Русский
Басқа тілдерде
РУС
Live
site logo site logo
Бұған дейінгі Келесі
Шұғыл хабар:
ФОТОРЕПОРТАЖ

Алматы мен Астанадағы «Мәңгілік полк» шеруі

Алматы мен Астанада өткен «Мәңгілік полк» шеруіне қатысушылар екінші дүниежүзілік соғысқа қатысқан ата-әжелерінің суреттерін ұстап шықты.

Бұл шеру екінші дүниежүзілік соғыс жылдары Отан қорғауға қатысқан аға буынға деген құрметтің бір түрі. Шеруге қатысушылар қолдарына майдангер ата-әжелерінің суреттерін ұстап шықты.

Алматыда 9 мамыр – Жеңіс күні осымен қатарынан екінші жыл ұйымдастырылған «Мәңгілік полк» шеруіне мыңдаған адам қатысты. Алматы әкімдігі акцияны өткізуге биыл да рұқсат беріп, шеру өтетін бағытта қауіпсіздікті қамтамасыз ету үшін көлік қозғалысын шектеді. «Мәңгілік полк» акциясы бүгін Астана қаласында да өтті.

Соңғы деректер бойынша, екінші дүниежүзілік соғыс жылдары (1939-1945) 50 миллионнан астам адам қаза тапқан, олардың 27 миллионы – СССР азаматтары.
Майдангер туыстарының суреттерін ұстаған адамдар алаңға жан-жақтан жиналды. Алматыдағы «Мәңгілік полк» шеруі. 9 мамыр 2016 жыл.
1 Майдангер туыстарының суреттерін ұстаған адамдар алаңға жан-жақтан жиналды. Алматыдағы «Мәңгілік полк» шеруі. 9 мамыр 2016 жыл.
Ауғанстандағы соғысқа қатысқан полковник Сергей Пашевич даңқты 316-атқыштар дивизиясының әйгілі командирі генерал Иван Панфиловтың немересі Алуа Байқадамованың гимнастеркасы погонына әлденені тағып жатыр. Екеуі де екінші дүниежүзілік соғыс кезіндегі Қызыл армия жауынгері киімін киген.
2 Ауғанстандағы соғысқа қатысқан полковник Сергей Пашевич даңқты 316-атқыштар дивизиясының әйгілі командирі генерал Иван Панфиловтың немересі Алуа Байқадамованың гимнастеркасы погонына әлденені тағып жатыр. Екеуі де екінші дүниежүзілік соғыс кезіндегі Қызыл армия жауынгері киімін киген.
Соғысқа қатысқан майдангер суреті мен гүл ұстап келе жатқан ер адам. Алматыдағы «Мәңгілік полк» шеруі.
3 Соғысқа қатысқан майдангер суреті мен гүл ұстап келе жатқан ер адам. Алматыдағы «Мәңгілік полк» шеруі.
Алматыдағы «Мәңгілік полк» шеруіне қатысушы балалар суретке түсіп тұр.
4 Алматыдағы «Мәңгілік полк» шеруіне қатысушы балалар суретке түсіп тұр.
Шеруге СССР туын ұстап келгендер де болды. Алматы, 9 мамыр 2016 жыл.
5 Шеруге СССР туын ұстап келгендер де болды. Алматы, 9 мамыр 2016 жыл.
Ал енді біреулер шеруге Украина ССР-і туымен келіпті. Алматы, 9 мамыр 2016 жыл.
6 Ал енді біреулер шеруге Украина ССР-і туымен келіпті. Алматы, 9 мамыр 2016 жыл.
Алматыда «Мәңгілік полк» шеруі өткен күні таңертең басталған жауын шеру біткенше толастамады. Шерудің басталуын күткен жұрт соғыс жылдарындағы әндерді шырқады. Әйгілі «Катюша» әнін жұрт жиі қайталап айтты. Ал «Мәңгілік полк» шеруі кезінде оған ілесіп жүрген автокөлікке орнатылған дыбыс күшейткіштерден соғыс жылдарындағы және жеңістен кейін майдан тақырыбына жазылған танымал әндер берілді.
7 Алматыда «Мәңгілік полк» шеруі өткен күні таңертең басталған жауын шеру біткенше толастамады. Шерудің басталуын күткен жұрт соғыс жылдарындағы әндерді шырқады. Әйгілі «Катюша» әнін жұрт жиі қайталап айтты. Ал «Мәңгілік полк» шеруі кезінде оған ілесіп жүрген автокөлікке орнатылған дыбыс күшейткіштерден соғыс жылдарындағы және жеңістен кейін майдан тақырыбына жазылған танымал әндер берілді.
Танкистің бас киімін киген ұл бала БТР үстінде отыр. Алматыдағы «Мәңгілік полк» шеруі.
8 Танкистің бас киімін киген ұл бала БТР үстінде отыр. Алматыдағы «Мәңгілік полк» шеруі.
Алматыдағы «Мәңгілік полк» шеруіне қатысушылар мен бұл күні саябаққа қыдырып келген адамдар Совет Одағының батыры генерал Иван Панфилов ескерткішіне гүл қойды.
9 Алматыдағы «Мәңгілік полк» шеруіне қатысушылар мен бұл күні саябаққа қыдырып келген адамдар Совет Одағының батыры генерал Иван Панфилов ескерткішіне гүл қойды.
Алматыдағы «Мәңгілік полк» шеруіне қатысушылар арасында Жетісу казактары киіміндегі адамдар да болды.
10 Алматыдағы «Мәңгілік полк» шеруіне қатысушылар арасында Жетісу казактары киіміндегі адамдар да болды.
Алматыдағы «Мәңгілік полк» шеруіне қатысушылар майдан туралы ән шырқап келеді.
11 Алматыдағы «Мәңгілік полк» шеруіне қатысушылар майдан туралы ән шырқап келеді.
«Мәңгілік полк» шеруіне қатысқандар арасында мүгедектер арбасында отырғандар да болды. Фотода: Алматы тұрғыны, суретші Зита Сұлтанбаева.
12 «Мәңгілік полк» шеруіне қатысқандар арасында мүгедектер арбасында отырғандар да болды. Фотода: Алматы тұрғыны, суретші Зита Сұлтанбаева.
Алматыдағы «Мәңгілік полк» шеруі таңертеңгі сағат 9.00-да басталды. Шеруді Қазақстан Республикасы туы мен Жеңіс туының көшірмесі тігілген БТР бастап, оған соғыс уақытындағы Қызыл армия жауынгері киімін киген адамдар жаяу ілесіп жүрді.
13 Алматыдағы «Мәңгілік полк» шеруі таңертеңгі сағат 9.00-да басталды. Шеруді Қазақстан Республикасы туы мен Жеңіс туының көшірмесі тігілген БТР бастап, оған соғыс уақытындағы Қызыл армия жауынгері киімін киген адамдар жаяу ілесіп жүрді.
Жауынгер киіміндегі жас жігіттер соғыс кезіндегі Қызыл армия майдандарының туларын ұстап келеді. Алматы, 9 мамыр 2016 жыл.
14 Жауынгер киіміндегі жас жігіттер соғыс кезіндегі Қызыл армия майдандарының туларын ұстап келеді. Алматы, 9 мамыр 2016 жыл.
Алматыдағы «Мәңгілік полк» шеруіне қатысушы әскери оқу орындарының курсанттары.
15 Алматыдағы «Мәңгілік полк» шеруіне қатысушы әскери оқу орындарының курсанттары.
Шеруге қатысушы әскери оқу орындарының курсанттары сапынан кейін «Мәңгілік полк» баннері мен майдангер туыстарының суреттерін көтерген Алматы тұрғындары мен қала қонақтары келе жатыр.
16 Шеруге қатысушы әскери оқу орындарының курсанттары сапынан кейін «Мәңгілік полк» баннері мен майдангер туыстарының суреттерін көтерген Алматы тұрғындары мен қала қонақтары келе жатыр.
2016 жылы 9 мамырда Алматыда өткен «Мәңгілік полк» шеруіне мыңдаған адам қатысты. Өткен жылғымен салыстырғанда биыл адам көп жиналды.
17 2016 жылы 9 мамырда Алматыда өткен «Мәңгілік полк» шеруіне мыңдаған адам қатысты. Өткен жылғымен салыстырғанда биыл адам көп жиналды.
Екінші дүниежүзілік соғыс жылдарындағы автокөлік шерудің соңына дейін өздігімен жүріп баруға шамасы жетпей тұрып қалған соң оны итеріп апаруға тура келді.
18 Екінші дүниежүзілік соғыс жылдарындағы автокөлік шерудің соңына дейін өздігімен жүріп баруға шамасы жетпей тұрып қалған соң оны итеріп апаруға тура келді.
Алматыда өткен «Мәңгілік полк» шеруіне қатысушылар. 9 мамыр 2016 жыл.
19 Алматыда өткен «Мәңгілік полк» шеруіне қатысушылар. 9 мамыр 2016 жыл.
«Мәңгілік полк» шеруіне қатысушылар.
20 «Мәңгілік полк» шеруіне қатысушылар.
«Мәңгілік полк» шеруіне қатысушылар соғыс қаһармандарының суреттерін көтеріп келе жатыр.
21 «Мәңгілік полк» шеруіне қатысушылар соғыс қаһармандарының суреттерін көтеріп келе жатыр.
Алматыдағы «Мәңгілік полк» шеруіне кеудесіне медальдар мен «Георгий лентасын» тағып шыққан егде жастағы әйел.
22 Алматыдағы «Мәңгілік полк» шеруіне кеудесіне медальдар мен «Георгий лентасын» тағып шыққан егде жастағы әйел.
Алматыдағы «Мәңгілік полк» шеруі.
23 Алматыдағы «Мәңгілік полк» шеруі.
Алматыда 1988 жылдан бері тұрып жатқан Ауғанстан демократиялық республикасының бірнеше генералы да бүгін қалада өткен «Мәңгілік полк» шеруіне қатысты. 9 мамыр 2016 жыл.
24 Алматыда 1988 жылдан бері тұрып жатқан Ауғанстан демократиялық республикасының бірнеше генералы да бүгін қалада өткен «Мәңгілік полк» шеруіне қатысты. 9 мамыр 2016 жыл.
Алматыдағы «Мәңгілік полк» шеруі толассыз жауған жаңбыр астында өтті. Қала орталығындағы Астана алаңынан басталған шеру 28 панфиловшы жауынгерлер саябағында аяқталды.
25 Алматыдағы «Мәңгілік полк» шеруі толассыз жауған жаңбыр астында өтті. Қала орталығындағы Астана алаңынан басталған шеру 28 панфиловшы жауынгерлер саябағында аяқталды.

Тағы

​
Back to top
XS
SM
MD
LG