Қазақстанда демократиялық өзгерісті талап еткен соң әскерге шақырылған Бейбарыс Толымбеков борышын өтеп келді. “Шындықтан қашып құтылмайсың” деген баннерді ұстап шыққаннан кейін көп ұзамай әскерге шақырылған жас белсенді Азаттыққа бұрынғы көзқарасы өзгермегенін айтты. Армиядағы өмірін баяндаған Толымбеков “әскерде өзгеріс енгізу үшін ең бірінші мемлекетте өзгеріс енгізу керек” дейді. Белсендінің пікірінше, демократиялық өзгерістерді шенеуніктер емес, азаматтық қоғам жасайды.