Қырғыз премьер-министрі Сапар Исаков 11 қазанда Сочиде Жоғары Еуразия экономика одағының кеңесі кезінде Қазақстан президенті Нұрсұлтан Назарбаевпен екі елдің шекарасындағы жағдай бойынша сөйлескені, Назарбаев "мәселені реттеуді қазақ үкіметіне тапсырғаны" жайлы ақпарат таратты. Бірақ сол күні Қазақстан үкіметі мұндай келіссөз өтпегенін, "қырғыз премьері Сапар Исаков Назарбаевтың қасына жай жақындап барғанын" және "шекарадағы мәселені шешуді емес, қырғыз үкіметімен кеңесуді тапсырғанын" мәлімдеді. Бұдан кейін қырғыз үкіметі "шекара мәселесі сөз болғанын" тағы да растады. Сочиде қырғыз премьері мен қазақ президентінің жүздесуі және екі ел арасында қалыптасқан жағдай жайлы Азаттық Мұхит Асанбаевпен сұхбаттасты.