Бір кезде патшалық Ресейдің бекіністерінің бірі орналасқан, СССР тұсында тың аумағы, бертіндегі аймақтағы қалалардың бірі, облыс орталығы болған қала бүгінде Астана атымен танымал. Қаланың астана мәртебесін иеленгеніне 20 жыл толып жатыр. Не өзгерді?
Боранды бекіністен - аяз қысқан астанаға дейін
1
Астанадағы президент сарайы - Ақорда.
2
Қазір Астана орналасқан Есіл өзенінің жағасында 1830 жылы Казак бекінісі салынған. 19 ғасырдың соңында бұл сауда қаласына айналып, үш христиан шіркеуі бой көтерді.
3
Совет одағы кезінде (1979 жылғы сурет) Астана астық өндірісінің орталығы болды.
4
Совет одағының Компартиясын басқарған Никита Хрущев Целиноград қаласы (қазіргі - Астана) маңындағы егіс алқабында жүр. 1964 жылғы сурет.
5
Целиноград қаласының келбеті. 1984 жыл.
6
1991 жылы Совет одағы құлаған соң Нұрсұлтан Назарбаев Қазақстан президенті болып сайланды. Назарбаев жарлығымен 1992 жылы қала аты Ақмола деп өзгерді. Ал 1998 жылы Қазақстан астанасы Алматыдан Ақмолаға көшірілді. Назарбаев қала атауын Астана деп ауыстырды.
7
Ақорда салынғанға дейін президент сарайы болған ғимарат. 1998 жыл.
8
Астанадағы құрылыстардың бірі. 1999 жылы Астана халқы 326 мың болса, қазір бұл қалада бір миллионнан астам адам тұрады.
9
Астананы көшіруге ресми себеп ретінде Алматыдағы (суретте) жер сілкінісі аталады. Бірақ кей сарапшылар "Назарбаев Астанаға көшу арқылы оппозицияны Алматыға тастап кетті" деген пікір айтады.
10
Астанадағы Нұр-Астана мешіті. Астананы "Азияның Лас Вегасына" айналдыру үшін шетелдік архитекторлардың жобасымен көптеген жаңа ғимараттар салынды.
11
Астанадағы Хан Шатыр ғимараты.
12
Хан Шатырдың жоғарғы қабатында қолдан жасалған жағажай бар. Жағажайға Мальдив аралынан құм әкелген.
13
Астананың символы саналатын - Бәйтерек.
14
2017 жылы Астанада өткен Expo көрмесінің ғимараты. Көрме кезінде америкалық Foreign Policy журналы "Қазақстан ажал жұлдызына бес миллиард доллар жұмсады, бірақ ол тіпті лазермен атқылай алмайды" деген мақала жариялаған. Журналдың ресми сайты Қазақстанда біраз уақыт ашылмай қалған.
15
Астана - әлемдегі ең қысы қатты қалалардың бірі. Қыс мезгілінде қалада аяздан мектеп, университеттерде сабақ тоқтап, жолдар жабылады.
16
Аяздан қорғану үшін қалада мыңдаған ағаш отырғызылды.
17
Қаланы жасылдандыру және ағаш отырғызу жобасы әлі жалғасып жатыр.
18
6 шілдеде Астана 20 жылдығын атап өтеді. Дәл осы күні Қазақстан президенті Нұрсұлтан Назарбаев 78 жасқа толады.
ПІКІРЛЕР