Қазақстанда коронавирус пандемиясы өршіп, науқас көбейген тұста ауруханаларда дәрігерлерге көмек қажет болды. Олардың кейбірі науқастардан вирус жұқтырып, ауырып қалды. Ауруханаларда жасанды тыныс алу аппараты жетпеді. Осы кезде елдің әр өңірінде еріктілер топтасып, кейбірі ауырғандарға азық-түлік жеткізді, кейбірі ауруханада дәрігерлерге жәрдем жасады. Атырау облыстық ауруханасында ақысыз жұмыс істеген еріктілер Азаттыққа бірнеше айда не көргенін, қандай күй кешкенін айтып берді.