"Тоқаевқа қастандық ойластырған" тыңшы келген мемлекетпен қатынас қалай болмақ? Сыртқы істер министрінің жауабы

Қазақстанның жоғары лауазымды шенеуніктеріне "қастандық жасауға тапсырыс алған тыңшы" келген шет мемлекетпен Нұр-Сұлтанның дипломатиялық қарым-қатынасы қандай болмақ? Азаттық сыртқы істер министрі Мұхтар Тілеубердіден сұрады. Бұған дейін Ұлттық қауіпсіздік комитеті ел президенті мен бірқатар жоғары лауазымды мемлекеттік қызметкерге "қастандық жасамақ болған шетелдік барлау агентін ұстағанын" хабарлаған.