Қазақстан парламентінің мәжілісі коронавирус карантині кезінде конституциялық бірнеше заңға өзгеріс енгізуді мақұлдады. Президент Қасым-Жомарт Тоқаевтың пәрменімен "Сайлау туралы" заң және "Саяси партиялар туралы" заңның кейбір бабы жаңартылды. Заң жобаларын әзірлеген әділет министрлігі де, мақұлдаған депутаттар да өзгерісті "демократияға қарай қадам басу" деп бағаласа, құқық қорғаушылар керісінше, "көз бояу" деп атады. Қырғызстан парламентінің депутаты да өзгерістерді "рефома деуге келмейтінін" айтады.