Қазақстан Дүниежүзілік баспасөз рейтингінде 157 орында. Журналистердің құқығын қорғайтын «Шекарасыз тілшілер» халықаралық ұйымы жариялаған индекс бойынша, Қазақстанда «баспасөз еркіндігі қиын жағдайда». Ақпарат және қоғамдық даму министрі Дәурен Абаев рейтингтің шынайы жасалғанына күмән келтірді. Сарапшылар «министр сөзі - шындықты мойындамау һәм қабылдамаудың көрінісі» дейді.