Шымкенттегі Shymkent Bus автопаркінің ондаған жүргізушісі 20 қарашада жұмысқа шығудан бас тартты. Олар жұмыс берушіден жалақыны уақытында беруді және көбейтуді талап етті. Компанияның бас директоры жалақыны кешіктіріп жатқанын растап, кәсіпорынның "жағдайы күрделі" екенін айтты. Shymkent Bus жұмысшылары бұған дейін тамызда да жалақының уақытында берілмегеніне наразылық білдірген.