Мамырдың 31-іне Қазақстан саяси қуғын-сүргін және ашаршылық құрбандарын еске алу күнін атап өтті. Азаттық тілшісі саяси қуғын-сүргін құрбандарын ақтау жөніндегі мемлекеттік комиссия мүшесі, тарихшы Хангелді Әбжановтан сұқбат алды. Профессор мемлекеттік комиссия әлі күнге ешкімді ақтап шығармағанын, ғалымдар ақтаудан гөрі зерттеуге ойысып кеткенін айтады. Ол «қазіргі Қазақстанда да саяси қуғын-сүргін болды, Қазақстан президенті Қасым-Жомарт Тоқаев бұрынғы саяси қуғын-сүргіндер үшін де, тіпті биылғы Қаңтар оқиғасы үшін де кешірім сұрағаны жөн болады» деп санайды.