Қырғызстанның бұрынғы премьер-министрі Өмірбек Бабанов Қырғызстаннан кетіп қалды. Осылай деп Жогорку Кеңештің депутаты Мирлан Жеенчороев хабарлады.
Бірақ ол Бабановтың нақты қайда ұшқанын айтпады. Тек 5 тамызда Бішкек – Мәскеу рейсімен ұшып кетті деді.
Бұрынғы премьер-министр 31 мамырда "Құмтөр" ісі бойынша ұсталған. 27 шілдеде сот оған қатысты бұлтартпау шарасын өзгертіп, шетелде ем қабылдауға рұқсат берген. Оның адвокаты Амантур Абдырахманов Бабановқа елде диагноз қоя алмай жатыр деп мәлімдеген.
"Құмтөр" кеніші бойынша қозғалған қылмыстық іске қатысты Қырғызстанда бірнеше лауазымды қызметкер ұсталған. Олардың арасында бұрынғы және қазіргі депутаттар, шенеуніктер бар: Асылбек Жээнбеков, Торобай Зулпукаров, Исхак Пирматов және Талантбек Узакбаев, экс-президент Алмазбека Атамбаевтың Жогорку Кеңештегі өкілі Данияр Нарымбаев, Тайырбек Сарпашев және бұрынғы премьер-министр Темир Сариев.
Тергеу ісіне көмектесу жөнінде қолхат жазғаннан кейін Алмазбек Баатырбеков, Талантбек Узакбаев, Исхак Пирматов және Тайырбек Сарпашевтар тергеу абақтысынан үйқамаққа ауыстырылды.
ОҚИ ОТЫРЫҢЫЗ
Асқар Ақаев "Құмтөр" бойынша қырғыз халқынан кешірім сұрап, артынан Мәскеуге ұшып кеттіӨзі келді ме, "жеткізілді" ме? Қырғыз экс-президенті Асқар Ақаев 16 жылдан соң еліне оралдыБилікті нығайту ма, жемқорлықпен күрес пе? Қырғызстанда бұрынғы басшылар неге ұсталып жатыр?Қырғызстанның бұрынғы премьер-министрі Өмірбек Бабанов екі айға қамалдыҚырғызстан мен канадалық Centerra Gold Құмтөр кенішіне таласып жатыр