АҚШ Қытайда өтетін қысқы Олимпиада ойындарына дипломатиялық бойкот жариялады. Бұл туралы Ақ үйдің баспасөз хатшысы Джен Псаки хабарлады.
"Байден әкімшілігі Қытайдың Шыңжаңдағы геноцидін, сонымен бірге адам құқықтарын бұзған басқа әрекеттерін есепке ала отырып, Пекинде өтетін қысқы Олимпиада және Паралимпиада ойындарына дипломатиялық және ресми делегация жібермейді" деді Псаки Ақ үйде өткен брифинг кезінде.
Осыған дейін Қытайдағы Олимпиада ойындарына дипломатиялық бойкот жариялау мүмкіндігі туралы президент Джо Байден де айтқан. Ол бұған себеп ретінде Шыңжаңдағы ұйғырларды қысымға алу мен Тибет және Гонконгтегі адам құқықтарының бұзылуын атаған.
АҚШ мәлімдемесін Австралия қолдап отыр. Бірақ әзірге дипломатиялық бойкот туралы шешім қабылдамады.
Пекиндегі қысқы Олимпиада ойындары 2022 жылдың 4 ақпанында басталып, шамамен екі жарым аптаға созылады.
АҚШ соңғы рет 1980 жылы Мәскеуде өткен Олимпиада ойындарына толығымен бойкот жариялаған.
ОҚИ ОТЫРЫҢЫЗ
"Қазақстан да қауіпті ел". Шыңжаңнан қашқандарды Нұр-Сұлтан неге қорғай алмайды?Байден мен Си Цзиньпин Тибет, Гонконг және Шыңжаң мәселесін талқыладыАҚШ-та жүрген қазақ Шыңжаңдағы мұсылмандарға араша сұрап, Ақ үй алдында пикет өткізді"Адамзатқа қарсы қылмыс". Прагада Ұйғыр конгресінің жиынында Шыңжаңдағы жағдай талқыландыТайвань сыртқы істер министрі Қытаймен жақын қатынастағы елдерді сақ болуға шақырды