Кремль 24 ақпанда Украинаға басып кірер алдында ол жақтан құпия тыңшылар желісін құрған. Бейсенбі күнгі Reuters агенттігінің зерттеуінде осындай тұжырым жасалады.
Reuters агенттігінің дереккөзіне қарағанда (агенттік Кремльдің соғыс ашу жоспары болғанын білген бес адамға сілтеме жасайды), Ресей президенті Владимир Путин тыңшылар желісі Владимир Зеленский әкімшілігінің биліктен бас тартып, шетелге қашып кетуіне ықпал жасайды деп сенген.
Алайда бұл жоспары орындалмаған. Қазір Украинада соғыс жүріп жатқанына бес ай өтті. Украина біраз аумағынан айырылса да, қарсылық танытуды жалғастырып жатыр.
Украина Ұлттық қауіпсіздік кеңесінің басшысы Алексей Даниловтың айтуынша, әскерилер мен арнайы қызметтің арасында Ресей тыңшылары болған.
Атап айтқанда, соғыстың алғашқы күні Чернобыль АЭС-тың күрессіз берілуі де ресейлік агенттердің әрекеті болған.
Қазір АЭС-тің бұрынғы қауіпсіздік қызметінің жетекшісі Валентин Витер мен арнайы қызметтің лауазымды тұлғалары мемлекетке сатқындық жасады деген күдікке ілінді.
Reuters мәліметінше, Мәскеу Украина билігін толық ауыстыруды жоспарлап, үкіметті Жоғарғы раданың бұрынғы ресейшіл депутаты, 2014 жылдан бері Ресейде тұратын Олег Царёв басқарады деп ойлаған.
Ол Ресейдің Украинаға басып кіруін толық қолдап, мәлімдеме жасады.
Былайша айтқанда, Ресейдің Украинаға қатысты жоспары жүзеге аспай қалды. Даниловтың сөзінше, Мәскеу Украинаның әлсіз тұстарын есептеп, құпия тыңшыларының күшін асыра бағалап жіберген.
Дегенмен Кремль негізгі жетістіктің бірі деп, Украина қауіпсіздік қызметі тыңшыларды іздеу үшін біраз уақытын сарп еткенін айтады.
Украина президенті қауіпсіздік қызметінің бұрынғы басшысын командасымен бірге отставкаға жіберуінің себебі де осы болған.
ОҚИ ОТЫРЫҢЫЗ
Соғыстың 155-күні. Украина қарымта шабуылға көшті Украина оңтүстікте оккупацияланған жерлерін қайтара ала ма?"40 мың жауынгерінен айырылған" Ресей, Донбасстағы шайқас. Украинадағы соғыс не болып жатыр?Херсон және Запорожье облыстарында Ресейге қосылу жөніндегі "референдум" бір күнде өтуі мүмкінОдесса портына соққыдан кейін Украина Ресейді астық туралы келісімді бұзды деп айыптады