Душанбеге сапарлаған Қытай басшысы Си Цзиньпин Тәжікстанның "территориялық тұтастығын" қолдайтынын мәлімдеді. AFP агенттігінің жазуынша, көрші елге "сирек сапары кезінде" Қытай жетекшісі Пекин Тәжікстанмен жан-жақты дипломатиялық қарым-қатынасты дамытуды көздеп отырғанын айтқан.
Астанада Шанхай ынтымақтастық ұйымының (ШЫҰ) саммитіне қатысқан Си Цзиньпин Душанбеге Қазақстаннан барған.
Қытай жетекшісі Астанада Ресей президенті Владимир Путинмен келіссөз жүргізіп, ШЫҰ-ға мүше елдерді "сырттан ықпал ету талпыныстарына төтеп беруге" шақырған.
Қытай Орталық Азия елдерін "Бір белдеу – бір жол" жобасының маңызды бөлігі ретінде қарастырады.
Тәжікстан басшысы Эмомали Рахмонмен келіссөз кезінде Си Цзиньпин Душанбемен достық қарым-қатынас пен өзара тиімді әріптестікті дамытуды көздейтінін және көрші елдің "ұлттық тәуелсіздігі, егемендігі мен территориялық тұтастығын қорғау" әрекеттерін қолдайтынын мәлімдеді. Бұл жөнінде Қытайдың ресми ақпарат құралдары жазды.
ОҚИ ОТЫРЫҢЫЗ Си Цзиньпиннің Қазақстанға бесінші сапары қалай өтті?