Жаңаөзенде ұялы байланыс пен интернет қосылған соң YouTube сайтында қарапайым куәгерлер түсірген, желтоқсанның 16-сында болған оқиға туралы видеожазбалар көбейіп жатыр. Мына бейнекөріністерде шерушілер мен полицияның қақтығысы, өртенген көліктер бейнеленген.
Бейнежазбаларға қарағанда, бәрі 2011 жылы желтоқсанның 16-сында, Жаңаөзендегі орталық алаңда қақтығыс болған күні түсірілген.
Төмендегі бірінші видеожазбада шерушілер мен полицияның текетіресі жазылған. Бұл көріністе ешкімнің қару асынғаны байқалмайды.
Your browser doesn’t support HTML5
Жаңаөзен, 16 желтоқсан. Ереуілшілер мен полицейлер
Ал ең алғашқы және соңғы көріністерді кездейсоқ адамдар түсірген тәрізді. Мұнда орталық алаң маңында өртеніп жатқан көліктер көрінеді. Алыстан оқ дауысы естіледі. Көшеде кетіп бара жатқан адамдар полицияның келе жатқанын айтып, басқаларға "қашыңдар" деп айғайлайды.
Your browser doesn’t support HTML5
Жаңаөзен, 16 желтоқсан. Атыс
Ресми дерек бойынша, Жаңаөзенде желтоқсанның 16-сы күнгі оқиғада 15 адам қаза болып, жүздеген адам жараланған. Бірақ қала тұрғындары бұл деректің растығына күмән келтіреді. Олардың пікірінше, жапа шеккендер мен қайтыс болғандар бұдан әлдеқайда көп.
Жаңаөзендегі жағдайға қатысты наразылық білдіріп, Шетпе станциясында теміржолды жапқан тұрғындармен қақтығыста полиция оқ атып, 1 адам қаза болып, 12 адам жараланды.