БЕЖИН. Бүгін Қытай астанасы – Бежиннің Тяньаньмэнь алаңындағы студенттердің шеруін басып-жаншыған қанды оқиғаға 17 жыл толды. Соған байланысты қалада қауіпсіздіктің қатаң шаралары қабылданды. 1989-ыншы жылдың 4-інші маусымы күні Қытай үкіметі студенттердің бейбіт наразылық шеруін армия мен танктерді қолданып қанға тұншықтырып басқан болатын. Оның барысында 100-деген, тіпті мыңдаған жас қыршын кетті. Сол кезде қанша студенттің құрбан болғаны осы күнге дейін жұмбақ болып келеді.
