Әндіжандағы қанды оқиға жайында Өзбек билігімен сөйлесуге барған Еуропа Одағының сарапшылары Өзбекстанда бес күндей болып, қайтуға дайындалып жатыр. Финляндия дипломаты Пекке Ойноненнің "Азаттықтың" Өзбек қызметіне айтқанындай, сарапшылар билік шетелдік ислам көтерілісшілерінің көтерілісіне қатысты деп соттаған екі тұрғынмен кездескен. Құқық қорғаушы топтар Өзбекстанның қауіпсіздік күштері көтерліс кезінде мыңдаған бейбіт тұрғынды өлтірді деп айыптайды.
