Беларус газ бағасына қатысты дау шешілді десе, "Газпром" ортақ келісімге келудің ерте екендігін айтады

Газпром газ бағасына байланысты келісімге қол қою үшін Беларус делегациясының құрамында жоғары құзырлы шенеунік болған жоқ дейді. Сондықтан бұл дауға нүкте қойылуы әлі алыс деп отыр. Минскіде Беларус премьер-министрінің өкілі ең соңғы мерзім - жексенбі күні Ресей газының бағасы бойынша келісім жасалды, демек, газдың Беларус жері арқылы тасымалдануының тарифі мен "Белтрансгаздың" 50 процент акциясын Ресейге сату шарттары мақұлданды деген. Ал бірақ "Газпром" бұл Беларус жағының ұстанымы дейді.