Еуропа кеңесінің Парламенттік ассамблеясының президенті дер Линден іссапармен Минскіге келді

Ол 3 күндік сапар кезінде Беларусь үкіметі ресмилері, оппозиция жетекшілері және бейүкіметтік ұйым өкілдерімен кездесіп пікір алмаспақ. Дер Линден Беларусь басшылығына өзгелерден бөлініп оқшауланып қалғаннан гөрі өзара диалогта болған дұрыс демекші екен. Беларусь еліндегі еркін сайлаудың шектелуі, баспасөзге қысым және батыстық ресмилердің бұл елге сирек келуіне байланысты ол ел жиі сыналып келеді.