Британия ханзадасының мазасын алған журналист түрмеге отырды

Британия ханзадасы Уильямға қарсы бұзақылық жасаған азаматтың кінәсі дәлелденді, кеше ол төрт ай түрмеге отырғызылды. Бұл жергілікті журналист, "Ньюс оф зе уорлд" газетінің тілшісі Клайв Гудман екен. Ол Уильям ханзаданың мобил телефонына қосылып алып, хаттарын оқыған. Ол, сол сияқты, патша әулетінің жеке өмірінен мәлімет алу мақсатында осындағы қызметкерлердің де телефондарына қосылғанын мойындады. Осы жайт ашылған соң "Ньюс оф зе уорлд" газетінің редакторы қызметінен кеткен.