Бағдадта Ирақтың қауіпсіздігіне арналған жиын өтіп жатыр

Бағдадта бүгін Ирақта тұрақтылық орнату жағдайына арналған халықаралық конференция басталды. Ирақ сыртқы істер министрі Хошияр Зебари отырысқа жиналғандарға бүгінгі талқылаулар жақын болашақтағы жоғары деңгейдегі жиындарға қатысты алғашқы қадам болуы керек деген. Ирақ премьер министрі Нури әл Малики болса, делегаттардың достық қарым-қатынасы негізінен Ирақты сақтау дей келе, басқа елдерді Ирақтың ішкі ісіне араласпауға шақырды. Бұл жиын сонымен қатар, Иранның ядролық бағдарламасына байланысты дау күшейіп тұрғанда кездескен Уашингтон мен Техран ресмилері үшін де сирек мүмкіндік болып отыр.