Ертең БҰҰ Косовоның құқықтық мәртебесі туралы жоспарды талдай бастайды

ПРИШТИНА: Бүгін НАТО одағының Солтүстік-атлантикалық Кеңесінің мүшелері Косово өлкесіне келуге тиіс. Солтүстік-атлантикалық Кеңес – НАТО-ға мүше 26 мемлекетті қоса алғанда, оның Бас хатшысы Яап де Хооп Схеффердің төрағалық етуімен шешім қабылдайтын ең басты құрылымы болып табылады. Бұл сапарға себеп: сейсенбі күні БҰҰ-ының Қауіпсіздік Кеңесі Косово өлкесінің келешектегі құқықтық мәртебесі туралы өзінің арнаулы өкілі Мартти Ахтисааридің ұсынған жоспарын талқылауға кіріседі.