НЬЮ-ЙОРК: АҚШ пен Еуроодақтың ешқандай мүмкіндіктің қалмағанын мәлімдеуіне қарамастан, Ресей мен Сербия Косово өлкесінің құқықтық мәртебесі бойынша келіссөзді жалғастыруды талап етеді. Өткен сәрсенбі күні БҰҰ-ның Қауіпсіздік Кеңесі Косово проблемасын талқылап, ымыраға келе алмады. Косово халқының басым көпшілігін құрайтын албандар Сербиядан бөлініп, өз бетінше тәуелсіздігін жарияламақшы. Сербия премьері В.Коштуница осылайша тәуелсіздік жариялауды халықаралық ережені бұзу болар еді деп бағалады.
