АСТАНА: Астанада соттың шешімімен жабылған «Закон и правосудие» газетінің бас директоры Тоқберген Әбиевке 16-ншы наурыз күні Астанадағы өз үйінің тепкішегінде қастандық жасалды. Бүгін Алматы қаласында өткізген баспасөз-маслихатында қазір Қазақстанның сот жүйесі мен жалпы ресми билік жүйесіндегі парақорлық пен сыбайластық жемқорлықты әшкерелейтін “Антикоррупционный вестник” апталық газетін басқаратын Т.Әбиевтің өзі осылай деп мәлімдеді. Әлгі қастандықты өзінен кек алуды аңсаған сот жүйесінің басшылары ұйымдастырды деп санайтын Тоқберген Әбиев Жоғарғы соттың төрағасы Қайрат Мами қызметінен кетуге тиіс деп мәлімдейді.
