Х.Қарзай шетелдік күштердің елден ерте кеткенін қалайды

Бүгін БҰҰ-ның Қауіпсіздік Кеңесі делегациясымен кездесуі барысында Ауғанстан президенті Хамид Қарзай елдің ішкі ісіне әскери күштердің араласуын доғарудың нақты уақытын белгілеуді талап етті. Ауған президентінің кеңсесі хабарлағандай, Х.Қарзай Қауіпіздік Кеңесінің делегациясына АҚШ бастаған күштердің Ауғанстандағы “террорға қарсы соғысы” қанша уақыт жалғасатынын ауған елі білуге тиіс немесе Талибан қозғалысы бастаған бүліктің саяси шешімін іздеу керек деп мәлімдеген.
Құрамында АҚШ-тың БҰҰ-ндағы елшісі Залмай Халилзад бар делегация Ауғанстандағы ахуалмен танысу үшін келді.