Украинадағы ойын залында шыққан өрт кемінде 9 адамның өмірін қиды, тағы 10 шақты адамды күйік шалды. Төтенше жағдайлар министрлігінің айтуынша, Днепропетровск қаласының футбол жанкүйерлері теледидар арқылы ойынды тамашалауға жиналған кезде, ойын залы өртке оранған. Ресмилер өрттің ойын автоматынан шыққанын айтып отыр. Украина премьер-министрі Юлия Тимошенко бұл апат болған жерге ұшып барды.
