Петербургта гомосексуализмге қарсы заң күшіне енді

Санкт-Петербург қаласының губернаторы Георгий Полтавченко гомосексуализмді насихаттауға қарсы күрес туралы жаңа заңға қол қойды.

Тек Санкт-Петербургте ғана күші бар заң бойынша гомосексуализмді, бисексуалдылықты немесе трансгендеризмді кәмелетке толмағандар арасында насихаттағандарға айыппұл салынады. Педофилдер іс-әрекетін насихаттағандарға да жаза тағайындалады.

Құқық қорғаушылар бұған дейін Полтавченконы заңға вето қоюға шақырған болатын. Олар губернатор гомосексуализмді педофилиямен бір дәрежеде қарастырып отыр және гейлерге қарсы күресте күш қолданады деп айыптаған.