Халықаралық футбол федерациясы (FIFA) сәуір айының рейтингін жариялады. 12 сәуірде FIFA сайтына шыққан рейтингте Қазақстан 119-орында тұр. Наурыз айындағы рейтингте Қазақстан құрамасы 136-орында болған.
Алғаш рет Азия кубогына жолдама алған Қырғызстан құрамасы 40 саты жоғарылап, жаңа рейтингте 75-орынға шықты. Украина 30, Ресей 66, Өзбекстан 88-орында тұр.
Алғашқы ондыққа Германия, Бразилия, Бельгия, Португалия, Аргентина, Швейцария, Франция, Испания, Чили, Польша енген.
Қазақстан құрамасы 24 наурызда өткізген жолдастық матчта Венгрия құрамасын 3:2 есебімен жеңген. Осы жеңіс үшін Қазақстан рейтингіне 46 ұпай қосқан.
