Құтқару қызметі Алматы маңындағы тауларда адасып қалған жеті жасөспірім құтқарды. Бұл туралы төтенше жағдай министрлігі хабарлады.
13-17 жас аралығындағы жасөспірімдер демалуға мүлдем дайындалмай, Қүмбел шыңын бағындыруды ұйғарғанымен, өз бетінше қайтып келе алмаған.
Жасөспірімдер медициналық көмекті қажет етпейтінін айтқан. Қазір оларды ата-аналарына тапсыру үшін Медеуге түсірген.
Төтенше жағдай министрлігі таудағы қауіпсіздік ережелерін еске салады. Тауға шығар алдында маршрутыңызды егжей-тегжейлі зерттеп, сел қаупі бар жерлерден әсіресе жаңбырдан кейін аулақ болуды ескертеді.
Бұған қоса, ТЖМ 1 шілдеде жарияланған хабарласамында Алматы облысындағы тауда бес турист құтқарылғанын мәлімдеді. Олар да тауға өз бетімен шығып, қайта түсе алмай қалған.
"Құтқарушылардың жұмысының арқасында 19-20 жастағы туристер аман-сау табылды" деді министрлік.
Құтқару жұмыстары ауа райының қиындығы мен жауынның салдарынан бес сағаттан аса уақытқа созылған. Туристерге медициналық көмек қажет болмаған.
ПІКІРЛЕР