Кэмерон Пәкістанның лаңкестікпен күресін мадақтады

Премьер-министр Дэвид Кэмерон Исламабадқа сапары барысында Ұлыбритания мен Пәкістанның достық қарым-қатынасы үздіксіз жалғаса береді деп мәлімдеді. Бұл - Кэмеронның Ұлыбритания премьер-министрі ретінде Пәкістанға жасап отырған алғашқы сапары.

Сейсенбіде премьер-министр Юсуф Раза Гиланимен келіссөз өткізген Кэмерон Пәкістанның исламшыл экстремистік топтармен күресуін мадақтап, осы саладағы ынтымақтастықты одан сайын нығайтуға уәде етті.