Бүгін Алматыда бір топ оппозиция өкілдері мен қоғамдық белсенділер баспасөз мәслихатын ұйымдастырып, қаңтардың 28-і күнгі рұқсат етілмеген шеруді ұйымдастырғаны үшін қамалған ЖСДП тең төрағасы Болат Әбілевті, партияның бас хатшысы Әміржан Қосановты және партияның Алматы қалалық филиалының төрағасы Әмірбек Тоғысовты босатуды талап етті.
«САЯСИ ТАПСЫРЫС»
Бүгінгі жиынды өткізген Жармахан Тұяқбай, Гүлжан Ерғалиева, Мұхтар Шаханов, Балташ Тұрсымбаев, Рысбек Сәрбенбайұлы, Маржан Аспандиярова, Мұхтар
Жиналғандар тіркелмеген «Алға» партиясының жетекшісі Владимир Козлов пен партия белсендісі Серік Сапарғалиды, журналист Игорь Винявскийді де босатып, оларды қудалауды тоқтатуды талап етті.
ЖСДП-ның тең төрағасы Жармахан Тұяқбайдың айтуынша, партия жетекшілерін шеру ұйымдастырғаны үшін қамауға ешқандай негізі жоқ.
– Біз Қазақстан халқы, ақпарат құралдары және халықаралық қауымдастықтың қолдауына сүйенбесек, ЖСДП жетекшілері ұзақ мерзімге сотталып кетеді. Біз бұған жол бере алмаймыз, – деді Жармахан Тұяқбай.
«КІНӘЛІЛЕР»
Ақын Мұхтар Шаханов биліктің азаматтарға өз пікірін ашық айтуға мүмкіндік бермей отырғандығын айта келе, «барлығымыз жабылып жүріп, биліктен заңды өзгертуді талап етуіміз керек» деді.
Жазушы Софы Сматаев «ұстап-қамау арқылы билік халықты қорқытып-үркіткісі келетінін, бірақ бұл биліктің өз үрейінің белгісі» дейді.
Софы Сматаевтың айтуынша, «халық қанды оқиғаға кімнің кінәлі екенін жақсы сезіп-біліп отыр».
Жазушы «билік бар кінәні оппозиция серкелерінің мойнына артып қоймақ болып отыр, осылайша өздерінің кінәсін қал-қадерінше жуып-шаюға күш салып жатыр» дейді. Софы Сматаевтың айтуынша, «халық қанды оқиғаға кімнің кінәлі екенін жақсы сезіп-біліп отыр».
– Оған кінәлі ең бірінші – өтірік күліп, өтірік ода жасап, көсемге – Назарбаевқа күлмеңдеп отырған қолынан түк келмейтін парламент. Екінші кінәлі – қолынан түк келмейтін бастық басқарып отырған, Мәсімов басқарып отырған үкімет. Үшінші – өзінің қойған адамдарын өзі қадағалай алмайтын, солардың не істеп, не қойып жатқанын білмейтін өз сөзімен айтқанда «түк те қарап отырмаған» президент» , – деді Софы Сматаев.
«КҮШ – БІРЛІКТЕ»
Ал Guljan.org сайтының бас редакторы Гүлжан Ерғалиева «қазіргідей халыққа қарсы, антиконституциялық шешімдермен күресудің жалғыз жолы – бірлік» дейді.
– Саяси күштердің, азаматтық қоғамның, ірі қоғамдық ұйымдардың басты міндеті - күш біріктіру, – деді Гүлжан Ерғалиева.
Саясаттанушы Балташ Тұрсымбаев қысқа уақыттың ішінде елде бірінен кейін бірі
– Біз бүкіл әлемге не болып жатқанын дәлелдеуіміз керек. Ашық көрсетуіміз, айтуымыз керек, – деді ол.
Ал «Азат» ЖСДП прездиумының мүшесі Маржан Аспандиярова сенбі күннен бері қамалған партия өкілдері – Болат Әбілов, Әміржан Қосанов, Әмірбек Тоғысовтармен байланыса алмай отырғанын, олардың жағдайынан хабарсыз екенін айтты.
АЙЫППҰЛ
Дәл осы жиыннан кейін ұлттық баспасөз клубына келген Медеу аудандық ішкі істер басқармасының өкілдері сенбі күнгі шеруге қатысқан Мұхтар Шаханов, Рысбек Сәрсенбай, Мұхтар Тайжанға сотқа шақырту қағазын берді.
Ал кешкісін қалалық әкімшілік сотының Мұхтар Шахановқа - 15 айлық есептік
Қаңтардың 28-інде Алматыда ЖСДП жетекшілері Жаңаөзен оқиғасы кезінде оқ атылғанын айыптап, парламент сайлауының нәтижелеріне наразылық білдіріп, шеру өткізген.
Сол күні күні кешке Алматының ауданаралық әкімшілік соты Болат Әбілев, Әміржан Қосанов және Әмірбек Тоғысов үшеуіне «бейбіт жиындар мен митинг өткізу заңдылықтарын бұзды» деген айып тағып, 15 тәулікке қамауға алу жөнінде шешім шығарды.
Ал Жармахан Тұяқбайға 20 айлық есептік көрсеткіш (шамамен 200 АҚШ доллары) көлемінде айыппұл салды.
Үкімді орнынан тұрмай тыңдағаны үшін және пікірін отырып айтқаны үшін »сотқа кұрмет көрсетпеді« деп айыпталған Болат Әбілевтің жазасына тағы үш тәулік жамалып, ол 18 тәулікке қамалды.
