Ирақ президенті Ғази Әл Яуар елде аласапыран мен билік орнықпай тұрған кезде шетел әскерлеріне кетіңдер деп айту орынсыз деп мәлімдеді бүгін. Бағдадта бүгін сайлау бюллетендерін біржолата санау басталды. Жексенбі күні өткен сайлаудағы бюллетендер мен қортындылар жер-жерден ел астанасына жөнелтілген. Ирақ президенті шабуылдарға қатыспаған барлық тараптардың ортақ жұмысқа қосылу мүмкіндігі бар, жаңа үкімет және жаңа конституция жайындағы келіссөздерге қатысыңыздар деп шақырды. Сайлауға бойкот жариялап, алдымен шетелдік әскерлердің кеткені жөн деп білетін суннитердің бас ұйымы – Ислам партиясының да ортақ жұмысқа қатысуға мүмкіншілігі бар деп айтылды. Ирақ президенті Ғази Әл Яуар елде қауіпсіздік орнағанша АҚШ-тың және басқа елдердің 170 мың әскері Ирақта қалса жөн деп айтты. Бірақ осы жылдың соңына таман шетелдік әскерлердің қатары азаяды деді Ирақ президенті.
Жаңалықтар
Көз сала отырыңыз
-
Өлімнен құтқарар эликсир
Путин мәңгі өмір сүргісі келе ме? Ресей қартаюмен күресетін ұлттық жоба бастады
-
Қарағанды облысы
Тән жарасы мен жан азабы. Зауытта зардап шеккен жұмысшының күресі