Қызылордадағы апатты жағдайда тұрған жатақхана тұрғындары бүгін далаға түнеп шықты. Оқиға орнында тұрған жедел-жәрдем дәрігерлері кәрі адамдардың қан қысымы, ал кішкене балалардың дене қызуы көтеріліп жатқанын айтады. Кеше тозығы жеткен ғимаратты жөндеуге келгендер төбеге шыққанда кірпіштер құлап, тұрғындар зардап шеккен еді. Тұрғындар 2011 жылы апатты жағдайда деп танылған ғимаратқа әкімдік көңіл бөлмей отыр деп наразы. Әкімдік Азаттыққа жатақхананы жөндейтін демеушілер іздеп жатқанын хабарлады.