Азаттық тілшілері Қарағандыдағы оқиғаға байланысты мәжіліс депутаттарының пікірін сұрап көрді. Жергілікті биліктің хабарлауынша, жаңа жыл түні Қарағандыдағы мейрамханалардың бірінде төбелес болып, бір адам қаза тауып, төрт адам жараланған. Барлығы сегіз адам ұсталған. Тағы бір күдікті - Нарек Гурурянға халықаралық іздеу жарияланған. 6 қаңтарда Қарағандыда жүздеген адам жиналып, "қылмыскерді" табуды талап еткен. Ішкі істер министрлігі тергеудің әділ әрі жан-жақты жүргізілетінін айтты. Ал Арменияның премьер-министрі міндетін атқарушы Никол Пашинян және осы елдің сыртқы істер министрлігі оқиғаға қатысты пікірлерін айтты.