Осы жылғы Нобель сыйлығының бірінші жеңімпазы Швеция астанасында бүгін жарияланбақшы

Осы жылғы Нобель сыйлығының бірінші жеңімпазы Швеция астанасында бүгін жарияланбақшы. Бүгін медицина саласы бойынша жеңіпаздың есімі мәлім болады. Физика ілімі бойынша жеңімпаз сейсенбі күні, ал химия ғылымы бойынша сыйлық иесі – сәрсенбіде жария етіледі. Көркем әдебиет бойынша Нобель сыйлығының жеңімпазы – бейсенбі күні мәлім болуы ықтимал, ал ең мәртебелі сыйлық – Бейбітшілік бойынша Нобель сыйлығының иегерін жұма күні жариялау жоспарлануда. 11 қазанда экономика бойынша сыйлық жеңімпазы мәлім болады.