“РЕЙТЕР”: Алматыда президент Н.Назарбаев бастаған “Отан” партиясы орналасқан ғимаратта бүгін кешкісін қуатты 2 жарылыс болды

Қазақстанның оңтүстік астанасы - Алматы қаласында президент Н.Назарбаев бастаған “Отан” партиясының қалалық филиалы орналасқан ғимаратта бүгін кешкісін қуатты 2 жарылыс болды. “Рейтер” агенттігі мен төтенше жағдайлар жөніндегі министрліктің аты-жөнін атамаған өкілі хабарлағандай, араға 5 минут салып бірінен соң бірі болған 2 жарылыстың бірі ғимараттың ішінде, екіншісі сыртынан шыққан көрінеді. Әзірше одан басқа мәлімет жоқ. Баспасөз агенттіктерінің хабарлауынша, жарылыс шыққан ғимаратты полиция мен өрт сөндеруші және медициналық жедел жәрдем көліктері қоршап алды.