Хорватияда президент сайлауының екінші туры 16 қаңтарда өтеді.

ЗАГРЕБ: Хорватияда президент сайлауының екінші туры өтеді. Кеше болып өткен сайлауда үміткерлердің бірі де 50 пайыздан артық дауыс жинап, толық жеңіске жете алмады. Хорватияның қазіргі президенті Стипе Месич 49 пайыздан сәл көп дауыс алса, оның негізгі қарсыласы - билік басындағы Демократиялық одақтың үміткері Ядранка Косор ханым 20 пайыз дауыс жинап, екеуі сайлаудың 16 қаңтарда өтетін екінші турына шықты. Екі үміткер де Хорватияның НАТО-ға мүшелікке қабылдануын қолдайды. Хорватияда президенттің құзыры онша кең емес, ол сыртқы саясатқа, ел қорғанысына жауап беріп, премьер-министрді тағайындайды.