Өзара бітімге келетін болып келіскен күннің ертеңіне Израиль жауынгерлері 1 палестиндікті атып өлтірді

Кеше Газа аймағының оңтүстігіндегі палестиндік босқындардың Рафаһ лагерінің 20 жастағы тұрғыны Израиль армиясының гарнизны орналасқан еврейлердің Ацмона қонысынан атылған оқтан құрбан болды. Израиль армиясындағы ақпарат көзінің хабарлауынша, әлгі жігітке қарсы қонысқа өтпесін деп ескерту үшін оқ атылған. Сейсенбі күні ғана Палестина президенті М.Аббас пен Израиль премьері А.Шарон Мысырдағы бас қосуында 4 жылдан бері жалғасып келген қантөгісті доғару мен бейбіт келіссөзді қайта жалғастыру үшін бітімге келетіндерін жариялаған болатын.