18 жастағы мұсылман қызы тұңғыш рет “Англия аруы” атағына ие болды

ЛИВЕРПУЛЬ. “Англия аруы” мәртебесі – тұңғыш рет мұсылман қызына – 18 жастағы Хаммас Коһистаниге берілді. Хаммас – ата-анасы Ауғанстаннан қоныс аударып келген Ташкент қаласында дүниеге келген өзбек қызы. Ұлы Британияның Ливерпуль қаласында болып өткен арулар байқауында ақтық сайысқа шыққан арулардың ішінде 4 мұсылман қызы болды. Енді Хаммас Коһистани осы желтоқсан айында Қытайда өтетін “Әлем аруы” байқауына Англияның атынан түсетін болады.