Беларуссия ешбір туыс елдің сыртқы көмегіне мұқтаж емес

КИЕВ. Беларуссия мен Еуроодақ арасындағы түсініспеушілікті шешуге Украина өз дәнекерлік көмегін ұсынады. Украинаның сыртқы істер министрі міндетін атқарушы Борис Тарасюк бүгін беларуссиялық әріптесі Сергей Мартыновпен Киевте өткен келіссөзінде осындай ұсыныс жасады. Алайда С.Мартынов: “Тәуелсіз мемлекет есебінде Беларуссия қоғам ішіндегі процестерді өзі-ақ айқындай алады және ешкімнің сыртқы көмегіне мұқтаж емес” деп мәлімдеді.