Ирақта бүгін екі бомба шабуылы жасалып, кемінде 48 адам өлтірілді

Бағдадта мәшинеге қойылған бомба жарылып, 33 адам қаза тапты, кемінде 60 адам жарақат алды.Киркөк қаласында дәл осындай шабуылдан кемінде 15 адам қаза тапты. "Хьюман райтс уотч" ұйымы АҚШ әскери басшылары Ирақ соғыс тұтқындарын азаптауға өздері жол ашқан, бұған тіпті Абу-Ғрайып түрмесіндегі шатақ тоқтау салмаған деп мәлімдеді. Ирақ тұтқындарының 2003-2005 жылдарындағы жағдайына арналған ұйым баяндамасы бүгін жарық көрді.